ರಾತ್ರಿ ಪ್ರಯಾಣಕ್ಕೆ 260 ವಂದೇ ಭಾರತ್ ಸ್ಲೀಪರ್ ರೈಲುಗಳನ್ನು ಪರಿಚಯಿಸಲು ಭಾರತೀಯ ರೈಲ್ವೆ
ನವದೆಹಲಿ:ದೀರ್ಘದೂರದ ರಾತ್ರಿ ರೈಲು ಪ್ರಯಾಣದಲ್ಲಿ ಮಹತ್ವದ ಬದಲಾವಣೆ ತರಲು ಭಾರತೀಯ ರೈಲ್ವೆ 260 ವಂದೇ ಭಾರತ್ ಸ್ಲೀಪರ್ ರೈಲುಗಳನ್ನು ಪರಿಚಯಿಸುವ ಯೋಜನೆ ಹೊಂದಿದೆ. ಇದು ದೇಶದಾದ್ಯಂತ ಆಧುನಿಕ, ಆರಾಮದಾಯಕ ಹಾಗೂ ಪ್ರೀಮಿಯಂ ರೈಲು ಪ್ರಯಾಣದತ್ತ ದೊಡ್ಡ ಹೆಜ್ಜೆಯಾಗಿದೆ.
ವಂದೇ ಭಾರತ್ ಸ್ಲೀಪರ್ ರೈಲುಗಳನ್ನು ವಿಶೇಷವಾಗಿ ರಾತ್ರಿ ಪ್ರಯಾಣ ಮತ್ತು ದೀರ್ಘ ಮಾರ್ಗಗಳಿಗೆ ವಿನ್ಯಾಸಗೊಳಿಸಲಾಗಿದ್ದು, ಪ್ರಯಾಣಿಕರಿಗೆ ಸುಗಮ, ವೇಗದ ಹಾಗೂ ವಿಶ್ರಾಂತಿದಾಯಕ ಅನುಭವವನ್ನು ನೀಡಲಿವೆ. ಆಧುನಿಕ ಒಳಸಜ್ಜಿಕೆ, ಆರಾಮದಾಯಕ ಮಲಗುವ ಬರ್ತ್ಗಳು, ಉತ್ತಮ ಭದ್ರತಾ ವ್ಯವಸ್ಥೆಗಳು ಮತ್ತು ಉನ್ನತ ತಂತ್ರಜ್ಞಾನವನ್ನು ಒಳಗೊಂಡಿವೆ.
ಸಾಂಪ್ರದಾಯಿಕ ರಾತ್ರಿ ರೈಲುಗಳಿಗೆ ಹೋಲಿಸಿದರೆ, ಈ ಹೊಸ ಸ್ಲೀಪರ್ ರೈಲುಗಳಲ್ಲಿ ಸುಖಕರ ಮಲಗುವ ಸೌಲಭ್ಯ, ಉತ್ತಮ ಸಸ್ಪೆನ್ಶನ್ ವ್ಯವಸ್ಥೆ, ಹೆಚ್ಚುವರಿ ಭದ್ರತೆ ಹಾಗೂ ಆಧುನಿಕ ಸೌಲಭ್ಯಗಳು ಇರಲಿದ್ದು, ಕುಟುಂಬಗಳು, ಪ್ರವಾಸಿಗರು ಮತ್ತು ವ್ಯಾಪಾರ ಪ್ರಯಾಣಿಕರಿಗೆ ಸೂಕ್ತವಾಗಿರುತ್ತವೆ. ಹೆಚ್ಚಿನ ವೇಗದಲ್ಲಿ ಸಂಚರಿಸುವ ಮೂಲಕ ಪ್ರಯಾಣ ಸಮಯವನ್ನು ಕಡಿಮೆ ಮಾಡಲಿವೆ.
ಈ ಯೋಜನೆ ಭಾರತೀಯ ರೈಲ್ವೆಯ ಮೂಲಸೌಕರ್ಯ ಆಧುನಿಕೀಕರಣ ಹಾಗೂ ವಿಶ್ವಮಟ್ಟದ ಪ್ರಯಾಣ ಸೌಲಭ್ಯ ಒದಗಿಸುವ ದೃಷ್ಠಿಕೋಣಕ್ಕೆ ಹೊಂದಿಕೆಯಾಗುತ್ತದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಈ ರೈಲುಗಳ ಮೂಲಕ ಪ್ರಯಾಣಿಕರು ಒತ್ತಡರಹಿತ ರಾತ್ರಿ ಪ್ರಯಾಣ, ಉತ್ತಮ ನಿದ್ರೆ ಹಾಗೂ ತಾಜಾತನದೊಂದಿಗೆ ಗಮ್ಯಸ್ಥಾನ ತಲುಪುವ ಅನುಭವ ಪಡೆಯಲಿದ್ದಾರೆ. ಪ್ರವಾಸೋದ್ಯಮ ಉತ್ತೇಜನ, ನಗರಾಂತರ ಸಂಪರ್ಕ ಸುಧಾರಣೆಗೂ ಇದು ಸಹಕಾರಿಯಾಗಲಿದೆ.
ವಂದೇ ಭಾರತ್ ಸ್ಲೀಪರ್ ರೈಲುಗಳ ಪ್ರಾರಂಭವು ಭಾರತೀಯ ರೈಲ್ವೆಯ ಸುರಕ್ಷಿತ, ಸ್ಮಾರ್ಟ್ ಮತ್ತು ಆರಾಮದಾಯಕ ಭವಿಷ್ಯದತ್ತ ಮಹತ್ವದ ಮೈಲಿಗಲ್ಲಾಗಿದೆ.
