ಭಾರತ ಅಂಚೆ ಇಲಾಖೆ ‘ಸ್ಪೀಡ್ ಪೋಸ್ಟ್ 24’ ಮತ್ತು ‘ಸ್ಪೀಡ್ ಪೋಸ್ಟ್ 48’ ಸೇವೆಗಳನ್ನು ಆರಂಭಿಸಿದೆ
ಕೇಂದ್ರ ಸಂವಹನ ಸಚಿವರಾದ ಜ್ಯೋತಿರಾದಿತ್ಯ ಸಿಂಧಿಯಾ ಅವರು ಭಾರತ ಅಂಚೆ ಇಲಾಖೆಯ ಎರಡು ಹೊಸ ಸೇವೆಗಳಾದ ಸ್ಪೀಡ್ ಪೋಸ್ಟ್ 24 ಮತ್ತು ಸ್ಪೀಡ್ ಪೋಸ್ಟ್ 48 ಅನ್ನು ಘೋಷಿಸಿದ್ದಾರೆ. ಈ ಸೇವೆಗಳ ಮೂಲಕ 24 ಹಾಗೂ 48 ಗಂಟೆಗಳ ಒಳಗೆ ವಿತರಣೆಯನ್ನು ಖಚಿತಪಡಿಸಲಾಗುತ್ತದೆ. ಮಧ್ಯಪ್ರದೇಶದ ಶಿವಪುರಿ ಜಿಲ್ಲೆಯ ಪಿಚೋರ್ನಲ್ಲಿ ನಡೆದ ಕಾರ್ಯಕ್ರಮದ ಮೂಲಕ ಈ ಘೋಷಣೆ ಮಾಡಲಾಗಿದ್ದು, ಇದನ್ನು ಅಂಚೆ ಸೇವೆಗಳ ಆಧುನೀಕರಣದ ದಿಕ್ಕಿನಲ್ಲಿ ಮಹತ್ವದ ಹೆಜ್ಜೆಯೆಂದು ಪರಿಗಣಿಸಲಾಗುತ್ತಿದೆ. ಈ ಸಂದರ್ಭದಲ್ಲಿ ಮಾತನಾಡಿದ ಸಿಂಧಿಯಾ ಅವರು, ಸ್ಪೀಡ್ ಪೋಸ್ಟ್ 24 ಮತ್ತು ಸ್ಪೀಡ್ ಪೋಸ್ಟ್ 48 ಸೇವೆಗಳು ಸಮಯಪಾಲನೆ, ನಂಬಿಕೆ ಮತ್ತು ವೇಗದ ವಿತರಣೆಯಲ್ಲಿ ಹೊಸ ಮಾನದಂಡವನ್ನು ಸ್ಥಾಪಿಸಲಿವೆ ಎಂದು ಹೇಳಿದರು.
ಈ ಸಂದರ್ಭದಲ್ಲಿ ಕೇಂದ್ರ ಸಚಿವರು 2 ಲಕ್ಷ ರೂಪಾಯಿ ವೆಚ್ಚದಲ್ಲಿ ನವೀಕರಿಸಲಾದ ಪಿಚೋರ್ ಉಪ ಅಂಚೆ ಕಚೇರಿಯನ್ನು ಉದ್ಘಾಟಿಸಿದರು. ಜೊತೆಗೆ 1 ಕೋಟಿ 11 ಲಕ್ಷ ರೂಪಾಯಿ ವೆಚ್ಚದಲ್ಲಿ ನಿರ್ಮಿಸಲಿರುವ ಹೊಸ ಉಪ ಅಂಚೆ ಕಚೇರಿ ಕಟ್ಟಡದ ಶಿಲಾನ್ಯಾಸ ಹಾಗೂ ಭೂಮಿಪೂಜೆ ನೆರವೇರಿಸಿದರು. ಡಿಸೆಂಬರ್ 29, 2025ರಂದು ಸಿಂಧಿಯಾ ಅವರು, ದೂರಸಂಪರ್ಕ ಇಲಾಖೆ (DoT) ರಾಷ್ಟ್ರೀಯ ಸಂವಹನ ಭದ್ರತಾ ಕೇಂದ್ರ (NCCS) ಮೂಲಕ ಸ್ವದೇಶಿ ಉತ್ಪಾದನೆ ಮತ್ತು ಪರೀಕ್ಷಾ ಸಾಮರ್ಥ್ಯವನ್ನು ಬಲಪಡಿಸುವ ಉದ್ದೇಶದಿಂದ ರೂಪಾಂತರಕಾರಿ ಸುಧಾರಣೆಗಳ ಸಮೂಹವನ್ನು ಜಾರಿಗೆ ತಂದಿದೆ ಎಂದು ತಿಳಿಸಿದರು.
ವರದಿ : ಮೇಘನ ಗಣೇಶ್
