ಬಂಗಾರಪ್ಪ ರಸ್ತೆ ನಾಮಫಲಕ ಅನಾವರಣ ವೇಳೆ ಜಿಲ್ಲಾ ಉಸ್ತುವಾರಿ ಸಚಿವ ಮಧು ಬಂಗಾರಪ್ಪರಿಗೆ ಕೇರಳ ಸಮಾಜಂ ಶಿವಮೊಗ್ಗದಿಂದ ಗೌರವ

ಹಿಂದ್ ಸಮಾಚಾರ ನ್ಯೂಸ್ ಡೆಸ್ಕ್ , ಶಿವಮೊಗ್ಗ | ಮಾರ್ಚ್ 14, 2026

ಶಿವಮೊಗ್ಗದಲ್ಲಿ ಮಾಜಿ ಮುಖ್ಯಮಂತ್ರಿ ಎಸ್. ಬಂಗಾರಪ್ಪ ಅವರ ಹೆಸರಿನಲ್ಲಿ ನಾಮಕರಣಗೊಂಡ ರಸ್ತೆ ನಾಮಫಲಕ ಅನಾವರಣ ಕಾರ್ಯಕ್ರಮದ ವೇಳೆ ಜಿಲ್ಲಾ ಉಸ್ತುವಾರಿ ಸಚಿವ ಮಧು ಬಂಗಾರಪ್ಪ ಅವರಿಗೆ ಕೇರಳ ಸಮಾಜಂ ಶಿವಮೊಗ್ಗ ವತಿಯಿಂದ ಗೌರವ ಸಲ್ಲಿಸಲಾಯಿತು.

ಮಾಜಿ ಮುಖ್ಯಮಂತ್ರಿ ಎಸ್. ಬಂಗಾರಪ್ಪ ಅವರ ಹೆಸರನ್ನು ನಗರದ ಪ್ರಮುಖ ರಸ್ತೆಗೆ ನೀಡುವ ಕುರಿತು ಶಿವಮೊಗ್ಗ ಮಹಾನಗರ ಪಾಲಿಕೆ ವಿಶೇಷ ಕಾರ್ಯಕ್ರಮವನ್ನು ಆಯೋಜಿಸಿತ್ತು. ರಾಜ್ಯ ಸರ್ಕಾರವು ಈಗಾಗಲೇ ಗೋಪಾಲಗೌಡ ಬಡಾವಣೆಯ ಆಲ್ಕೊಳ ವೃತ್ತದಿಂದ ಡಿ.ವಿ.ಜಿ ವೃತ್ತದವರೆಗೆ ಇರುವ 100 ಅಡಿ ಅಗಲದ ಡಬಲ್ ರಸ್ತೆಗೆ ಎಸ್. ಬಂಗಾರಪ್ಪ ಅವರ ಹೆಸರನ್ನು ನೀಡುವಂತೆ ಅಧಿಸೂಚನೆ ಹೊರಡಿಸಿತ್ತು.
ಈ ಹಿನ್ನೆಲೆಯಲ್ಲಿ ಗೋಪಾಲಗೌಡ ಬಡಾವಣೆಯಲ್ಲಿ ಇಂದು ಬೆಳಗ್ಗೆ 11:30 ಗಂಟೆಗೆ ನಾಮಫಲಕ ಅನಾವರಣ ಕಾರ್ಯಕ್ರಮ ನಡೆಯಿತು. ಕಾರ್ಯಕ್ರಮದಲ್ಲಿ ಜಿಲ್ಲಾ ಉಸ್ತುವಾರಿ ಸಚಿವ ಮಧು ಬಂಗಾರಪ್ಪ, ಸಂಸದರು, ಶಾಸಕರು ಹಾಗೂ ಅನೇಕ ಗಣ್ಯರು ಭಾಗವಹಿಸಿದ್ದರು.

ಮಾಜಿ ಮುಖ್ಯಮಂತ್ರಿ ಎಸ್. ಬಂಗಾರಪ್ಪ ಅವರ ರಾಜ್ಯ ಹಾಗೂ ಜನತೆಗೆ ನೀಡಿದ ಸೇವೆಯನ್ನು ಸ್ಮರಿಸುವ ಉದ್ದೇಶದಿಂದ ಈ ರಸ್ತೆ ನಾಮಕರಣ ಮಾಡಲಾಗಿದೆ ಎಂದು ಅಭಿಮಾನಿಗಳು ಮತ್ತು ಬೆಂಬಲಿಗರು ಅಭಿಪ್ರಾಯ ವ್ಯಕ್ತಪಡಿಸಿದ್ದು, ಈ ಕ್ರಮವನ್ನು ಅವರು ಆತ್ಮೀಯವಾಗಿ ಸ್ವಾಗತಿಸಿದ್ದಾರೆ.
ಈ ಸಂದರ್ಭದಲ್ಲಿ ಕೇರಳ ಸಮಾಜಂ ಶಿವಮೊಗ್ಗ ಪರವಾಗಿ ರಾಮಕೃಷ್ಣನ್ (ಉಪಾಧ್ಯಕ್ಷರು), ಪ್ರದೀಪ್ ಮೀಥಲ್ (ಹಿಂದಿನ ಅಧ್ಯಕ್ಷರು), ಗಿರೀಶ್ ಕುಮಾರ್ ವಿ (ಕಾರ್ಯದರ್ಶಿ), ಸುರೇಶ್ ಕುಮಾರ್ (ಖಜಾಂಚಿ), ಮೋಹನ್ ನಾಯರ್, ಪ್ರಕಾಶ್, ಬಿನೋಯ್, ಜಾರ್ಜ್, ಬ್ರಿಜಿತ್ ವರ್ಗೀಸ್, ವನಜಾಕ್ಷಿ, ಸುನಿತಾ ಸುರೇಶ್, ಸಂಧ್ಯಾ ಗಿರೀಶ್, ಅನಿತಾ ಮೋಹನ್ ಮತ್ತು ಸಜಿತಾ ಉಪಸ್ಥಿತರಿದ್ದರು.

ಶಿವಮೊಗ್ಗ #ಬಂಗಾರಪ್ಪ #ಮಧುಬಂಗಾರಪ್ಪ #ಕೇರಳಸಮಾಜಂಶಿವಮೊಗ್ಗ #ಹಿಂದ್ಸಮಾಚಾರನ್ಯೂಸ್