ಸಾಗರದ ಇನರ್ ವೀಲ್ ಕ್ಲಬ್ ವತಿಯಿಂದ ನಾಲಂದಾ ಹೈ ಸ್ಕೂಲ್, ತಾಳಗುಪ್ಪಕ್ಕೆ ಜಲ ಶುದ್ಧೀಕರಣ ಯಂತ್ರ ದಾನ
ಸಾಗರ: ಸಮಾಜಸೇವೆ ಮತ್ತು ವಿದ್ಯಾರ್ಥಿಗಳ ಆರೋಗ್ಯದತ್ತ ಗಮನ ಹರಿಸುವ ಉದ್ದೇಶದಿಂದ ಇನರ್ ವೀಲ್ ಕ್ಲಬ್ ಆಫ್ ಸಾಗರ ಯುನಿಕ್ ಇಂದು ತಾಳಗುಪ್ಪದ ನಾಲಂದಾ ಹೈ ಸ್ಕೂಲ್ಗೆ ₹25,000 ಮೌಲ್ಯದ ಜಲ ಶುದ್ಧೀಕರಣ ಯಂತ್ರವನ್ನು ದಾನ ಮಾಡಿದೆ.
ಈ ಜಲ ಶುದ್ಧೀಕರಣ ಯಂತ್ರದ ಉದ್ಘಾಟನೆಯನ್ನು ಎಂ.ಡಿ.ಎಫ್. ಸಾಗರದ ಪ್ರಧಾನ ಕಾರ್ಯದರ್ಶಿ ರೋಟೇರಿಯನ್ ಶಿವಕುಮಾರ್ ಎಚ್.ಎಂ. ಅವರು ನೆರವೇರಿಸಿದರು. ಈ ಕಾರ್ಯಕ್ರಮದಲ್ಲಿ ಇನರ್ ವೀಲ್ ಕ್ಲಬ್ ಸಾಗರದ ಅಧ್ಯಕ್ಷೆ ಶ್ರೀಮತಿ ರಾಜೇಶ್ವರಿ ಅಂಕಡ್, ಕಾರ್ಯದರ್ಶಿ ಶ್ರೀಮತಿ ಸ್ನೇಹಲತಾ ವಿನಯಪ್ರಸಾದ್, ರೋಟೇರಿಯನ್ ಮಹೇಶ್ ಅಂಕಡ್, ರೋಟೇರಿಯನ್ ವಿನಯಪ್ರಸಾದ್ ಅವರು ಉಪಸ್ಥಿತರಿದ್ದರು.
ಈ ಸಂದರ್ಭ ಶ್ರೀಮತಿ ನಯನಾ ರಾಜತ್, ಅವರ ತಾಯಿ ಶ್ರೀಮತಿ ಪುಷ್ಪಲತಾ ಮೆಲ್ಲಿಹಳ್ಳಿ ಸೇರಿದಂತೆ ಹಲವಾರು ಗಣ್ಯರು, ಶಾಲಾ ಸಿಬ್ಬಂದಿ ಹಾಗೂ ವಿದ್ಯಾರ್ಥಿಗಳು ಭಾಗವಹಿಸಿದ್ದರು.
ಕಾರ್ಯಕ್ರಮದಲ್ಲಿ ಮಾತನಾಡಿದ ಇನರ್ ವೀಲ್ ಕ್ಲಬ್ ಪದಾಧಿಕಾರಿಗಳು, ವಿದ್ಯಾರ್ಥಿಗಳು ಮತ್ತು ಶಿಕ್ಷಕರಿಗೆ ಶುದ್ಧ ಕುಡಿಯುವ ನೀರಿನ ಅಗತ್ಯತೆಯನ್ನು ವಿವರಿಸಿದರು. ಶಾಲಾ ಆಡಳಿತ ಮಂಡಳಿ ಈ ಉಪಯುಕ್ತ ಕೊಡುಗೆಗಾಗಿ ಇನರ್ ವೀಲ್ ಕ್ಲಬ್ ಆಫ್ ಸಾಗರ ಯುನಿಕ್ಗೆ ಹೃತ್ಪೂರ್ವಕ ಧನ್ಯವಾದಗಳನ್ನು ಸಲ್ಲಿಸಿತು.
ಈ ದಾನ ಕಾರ್ಯದಿಂದ ಶಾಲೆಯ ವಿದ್ಯಾರ್ಥಿಗಳ ಆರೋಗ್ಯ ಮತ್ತು ಕಲ್ಯಾಣಕ್ಕೆ ಮಹತ್ವದ ನೆರವು ದೊರೆಯಲಿದ್ದು, ಸಮಾಜ ಸೇವೆಯಲ್ಲಿ ಇನರ್ ವೀಲ್ ಕ್ಲಬ್ನ ಬದ್ಧತೆಯನ್ನು ಇದು ಸ್ಪಷ್ಟಪಡಿಸುತ್ತದೆ.
